逆天奇案│Rocky天台飛身撲救毒劑型到爆 陳偉洪趙璧渝組CP：入行12年首次

劇集《逆天奇案》中，O記B組的警員Rocky（陳偉洪飾）愛上A組的妹頭（趙璧渝飾），兩人開始拍拖不久，就被B組的高級督察Nic Sir（黃智賢飾）捧打鴛鴦。Nic Sir指Rocky拍拖之後心散，工作欠認真，Rocky見Nic Sir反對，竟然乖乖聽話；卻原來他是勸女友妹頭調職，放棄O記的工作，確保安全之餘，又可免被針對。妹頭一時之氣提出分手，後來因心情低落誤墮神秘組織被洗腦，幾乎出事。

逆天奇案｜趙璧渝學生妹Look揭裙開槍夠型 入行8年多演閒角 終有望上位【下一頁】

{{hket:inline-image name="cal1.jpg"}}{{/hket:inline-image}}

{{hket:inline-image name="cal14.jpg"}}{{/hket:inline-image}}

昨晚A、B兩組人再次聯手拘捕神秘組織的首腦Benson大師（鄭子誠飾）及部分打算在鬧市散播毒氣的要員，只剩最後一位Sally（康華飾）下落不明。妹頭憑記憶帶隊去到中環蘭桂芳，只見Sally危站天台打算將毒氣筒從高處扔下，幸好及時獲森Sir（陳展鵬飾）和Rocky阻止，森Sir成功制服Sally，當她再拎出另一樽毒氣打算拋落地時，Rocky飛身撲出去接住，免大型集體中毒事件發生！Rocky縱身半空，身處天台圍欄之外，睇落非常牙煙，驚險萬分。

最終破到案，Rocky和妹頭和好如初，皆大歡喜！劇集播出後，陳偉洪、趙璧渝特別開IG直播跟觀眾聊天傾劇情，兩人的感情線大受歡迎，有網友搞笑追問為何沒有接吻戲。陳偉洪接受《晴報》電話訪問時表示：「今次其實係大家嘅第一次，第一次拍感情戲，好多謝監製編劇，我同妹頭好重視呢次機會；某些場面拍攝前，都會約返公司對稿、排練，希望盡力做好佢！好記得同妹頭拍碼頭嗰場戲，原本係嘈交 ，大家都要好投入，但係現場好嘈，旁邊嘅街頭表演者開晒喇叭唱《半斤八兩》。我哋兩個要好集中先拍到……不過最終全部畫面都要重新配音。」

（↓點擊放大睇圖片↓）

《愛回家》龔燁被大隻教練追求嚇親水水 陳偉洪：「我同送水輝一齊瞓添」【下一頁】

陳偉洪2009年參選「香港先生」入行，不過發展平平，最近已經完約回復自由身，他表示：「其實我好多謝公司，係佢啟發我對做戲嘅熱誠。由港男之後，一路都有好多機會，每次完成一齣劇都會檢討自己。由於自己無讀過演戲課程，一路摸索緊到底演戲係點嘅一回事……一路學習，可能就係咁錯失咗一啲機會。近一兩年發覺呢啲機會已經唔再有，因為已經轉咗部頭合作（逐節目逐集數計人工），工作量少咗，反而令自己更渴求演戲。」同時表示已報讀演戲課程，加上勤看書，希望在演戲上可以更進一步。

早前，陳偉洪獲ViuTV邀請參演新劇《冥冥之中》，令他大感興奮，「角色充滿挑戰，從未做過嘅，而且我真係好餓（戲）！齣劇拍晒喇，今次演員班底好多來自演藝學院，仲有電影圈、舞台劇界、KOL等等，都對做戲好有熱誠，做得好好，可能就係爭個機會！大家都好有火，一個好好嘅良性競爭！絕對是一次難忘經歷！」他表示跟無綫完約後沒有收到續約通知，不會放棄演戲的他表示︰「我冇嘢拍就做健身教練，電影、劇集都得試鏡都會努力去試。」陳偉洪的事業獲得女友羅欣羚（Lydia）大力支持，Lydia跟「妹頭」一樣擁有靚靚酒凹；Lydia亦是無綫藝員，除了幕前演出外，近日開設了鑽飾小店，榮升老闆娘。

（↓點擊放大睇圖片↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉